Ade yang pecak janggal waktu aku melok mele Kepalak Desa 4 Taon lalu.
Salah sikok calon Kepalak Desa kuselek idak beselop dodok melakangi calon laen make sendal.
Waktu itu aku sempat betanye dengan ong yang datang di balai,
“Mang, ngape die idak beselop itu dodok melakangi ong?”
“Oh..itu.. biase bae… kalu anjuran dari dokon di parak mesjed ditenga doson tobo ini kalu..”
“O.. kalu bae macem itu…” uji aku sambel agak keheranan.
Abis melok mele dibalai doson aku langsung bebelok balek ke rumah sambel ngampiri kawan yang nak melok balek barengan kerumah maseng – maseng.
Sepanjang perjalanan balek kerumah kamek begesa,
“Mang calon Kepalak desa dibalai desa tadi ngape die idak beselop gale…”
“Itu bearti dokonnye samo…ngape ritualnye same.”
“Pacak bae…”
“Ay…mang, kalu kagek yang kalah pacak kompelen ke dukunnye itu…”
“Pacak bae macem itu…”
“Iyelah mang. Die pasti protes, ngape merek ritual same, tapi ngape idak menang itu mak mane?”
“Ayy, bakal rami didemoke ole pendokong yang kalah itu pecaknye rumah dokon diparak mesjed di doson tobo itu.”
Tapi pecaknye dokon mak ini ari la pinter gale. Die masang papan reklame gale besak-besak diluan rumah, masoke dijero Pasebok same tuiter kongkon dokon beranak nunguinye,
“Yang namenye kalah mak ini ari ditanggung sesewangan”
TTD
DOBES (Dokon Besak)
Tim Kreatif Kantor Berita Sidik Kasus Sumatera Selatan (Sumsel).
Komentar